Еще, никем не изученный фрагмент, жамойтская шляхта, объединенная в отдельный гуф, в разгар битвы стреляет по аистам.
Присылали до нас панове тивунове жомоитскии и теж бояре шляхта и вси подданыи наши земли Жомоитское, оповедаючи нам то, иж твоя милость росказал им гуф их жомоитский надвое розлучити и одну половину людей при собе зоставити, а другую в землю неприятельскую послати. И они деи того не хотели вчинити для тое причины, штож деи они мают в себе привилья-вол(ь)ности предков наших и наши, на которых жо деи то есть им описано, иж не мает быти николи гуф их розрыван и в землю неприятельскую посылаи, тол(ь)ко бы олиж коли гетман наш великий где у которую сторону сам своею парсуною з войском потягнул, тогды деи они там з его милостью ходити мают, якож деи они за первъших гетманов завжды водлуг твердостей своих были заховываны; однож тепере от твоей милости в том им трудность ся деет. А к тому деи многии з них перед роком, от нас [113] зложоным, до войска приехали и, што-колве живностей с собою мели, то вжо потравили, и теж деи хоробы великии на них пришли, с которых жо многии померли, а другии деи и тепере – мало не третяя часть гуфу их – немоцни суть, и кони деи теж им отмерли. И били они нам чолом, абыхмо не казали в том им трудности чинити и водле привильев-вол(ь)ностей их, которыи они в себе мают, их заховати. А так, што ся дотычет гуфу их жомоитского, мы сами то добре бачим, иж в некоторых з них у людей жомоитских кони малы суть и ку делу спешному, а звлаще на загоны, стрывати не могут; и мели бы они на такавых конех до земли неприятельское /л. 1 (47) об./ посыланы быти, выстерегамы ся того, абыхмо, чого Боже вховай, которое шкоды в том не приняли и переказы в речи нашой земской не мели.
http://www.vostlit.info/Texts/Dokumenty ... l?id=10496Присылал к нам пан виленский, гетман наш навышший, староста городенский, маршалок дворный, державца лидский и белицъкий, пан Юрей Миколаевич Радивиловича, поведаючи о том, штож деи вы, будучи там, у Менску, на послузе нашой господарской, ни в чом его милости гетмана нашого послушни быт(и) не хочете, а поведаете, яко быхмо мы вам гетмана иншого дали – тебе, Адаме; гдеж деи есте в пана виленского его милости оказати почтов своих и пописатися не хотели, а даете деи его милости списки, абы водле тых списков ваших у реистра свои гетманскии вас писати казал. И к тому деи становитеся станы своими от его милости гетмана нашого далеко – в шести и в семи милях, и, там стоячи, многии з вас подданых наших збытки починают и шкоды великии, и кгвалты, и наездки подданым нашим делают. И которыи жалобы на вас перед его милость гетмана нашого приходят, вы деи перед ним ку праву становитися не хочете. Чему ся мы велико дивуем, иж вы таковыи своволенства смеете чинити, чого быхмо мы вам терпети не мели, и вже мы были хотели казат(и) вам каранье за то таковое вчинити, яко бы вы вперед того не допускали, нижли ещо, яко господарь терпеливость маючи, на тот час того есмо понехали. Для чого ж приказуем вам, а звлаща тобе, Адаме, абы есте вперед такового своволенства своего чинити перестали и ни в чом напротивку росказанью и воли пана виленского его милости гетмана нашого навышшого не были, и обозы своими становили 1 ся поблизу его милости на тых местцах, где его милость вам роскажет. А почты свои вси абы есте у его милости пописали так, яко ся иншии вси подданыи наши пописуют, и во всем бы есте послушни были его милости гетмана нашого: бо мы многих справец гетьманов у войску нашом мети не хочем; одно во всякой справе войска нашого суполную моц есмо дали одному его милости гетману нашому и всим княжатам и панятам – вышшим, нижли вам, – и земли всей росказали его милости /л. 1 (32) об./ послушным быти. Естли ж бы есте пред ся того чинити перестат(ь) не хотели, а повторе отпишет ли его милость о том до нас, тогды мы вже далей того терпеть вам не будем, а кажем у вас, тивунов, за таковую вашу недбалость и непослушенство тивунства ваши отбирати и дават(и) таковым, которыи будут волю и росказанье нашо господарское полнити, а инших велим именьи их карати. О том бы есте [96] ведали и во всем пана виленского гетмана нашого послушни были на той службе нашой – не иначей, яко на eгo милость, раду нашу высокую, прислушить.
http://www.vostlit.info/Texts/Dokumenty ... l?id=10489РАДЗИВИЛЛОВСКИЕ АКТЫ
из собрания Российской национальной библиотеки
Первая половина XVI в.http://www.vostlit.info/Texts/Dokumenty ... l?id=10451